أعتذر عن تأخري في كتابة هذا الرد ... ولكني وضحت في تدوينة سابقه سبب التأخير ...
في البداية للتوضيح فقط أنا هنا لن أؤيد أو أعارض أسلوب التدوينة
بداية انا لن أتحدث كثيرا عن أسلوب التدوينة لعدة اسباب أهمها أن لكل انسانا أسلوبة في التعبير الذي لا نستطيع مهما حاولنا أن نحجره ... فأستاذ فهمي هويدي له أسلوبه الذي يختلف عن المسيري والذي يختلف بدوره عن ضياء رشوان ...وهكذا
ولأستاذ عمر خالد أسلوبة الذي يختلف عن الدكتور صفوت الحجازي والذي يختلف بدورة عن الطنطاوي ...وهكذا
ولكن ظل هذا الاختلاف اختلاف أسلوب وليس اختلاف مضمون ... وهذا الجميل بالموضوع ... فلوا كانوا جميعا نسخه واحده من بعضهم ... فما كان هناك الحاجه لوجودهم جميعا ... ويكفي واحدا منهم ليقوم بهذا الدور ... ولكن مادام هذا الأسلوب في نطاق الأدب العام ولم يخرج عن المألوف ...
......................
أسلوب المعلقين ...
كان هناك رأيين للمعلقين على تدوينة أستاذ مجدي وهما كالتالي ...:
الرأي الأول : وهو الذي تبنى وجهة النظر التي نقضوا فيها بشده أسلوب التدوينة معللين ذلك بأن الأسلوب خادجا للحياء ... ومع احترامي لهم فقد أستخدم البعض في التعقيب على التدوينة أسلوبا خادجا للحياء وقد يكون أشد ... باستخدمهم ألفاظا للتجريح في شخص بعينه ...
الرأي الثاني : والذي دخل مدافعا أسلوب التدوينه وأنها ليست خادجه للحياء
وأخذ الجميع يعلق عن أسلوب التدوينة هذا يرى انها خادجه والاخر لا
ومع احترامي لكل المعلقين ومن أرداوا أيضا أن يعلقوا فقد تناول الجميع الموضوع من ناحية الأسلوب ... وتناسى الجميع ماهو أهم وهو مضمون التدوينة والتي من اجلها – في اعتقادي - كتبها صاحبها ...
.....................
عندما قرأت التعليقات جميعها
وقفت لأقول
وقفت لأقول
إذا كنا اختلفنا في أسلوب التدوينة وليس في مضمونها ... وكان هذه هي طريقة اختلافنا ... حيث استخدمنا التجريح في الأشخاص ...؟!!!
فماذا إذا اختلفنا في المضمون ....ماذا نتوقع أن يكون شكل اختلافنا ؟!!!!
..................
دائما مانقول أن
الإختلاف في الرأي لايفسد للود قضيه
ودائما ما نقول
أننا نسمع الآخرين ... ونستطيع احتوائهم ...ونحترم آرائهم
فأين كل هذا في اسلوب تعقيبنا
إذا كان هذا سمتنا فمذا تركنا لغيرنا ؟!!!
هناك ١٠ تعليقات:
جميل يا شروق
كلام مقنع
كلام حضرتك صحيح جدا
اننا مهما كنا مختلفين منجرحش وازاى ننقد ان البوست خادش للحياء
صحيح خادش مش خادج
المهم
واحنا اللى نخدش حياء كاتب البوست بتعليقاتنا
بس نقول برضه ان الناس اتصدمت من الاسلوب هو مضمون البوست جميل جدا وعنده حق فى اللى قاله جدا
بس لما الناس بتحط لحد صورة معينة فى ذهنها وفجاة كده تلاقى كلام زى ده خاصة على فكرة غير الملتزمين فاكرين ان الملتزمين ملايكة ومش بيتاثروا بالحاجات دى فلما يلاقوهم بيتكلموا زيهم فبيتصدموا اولا للصورة الغلط اللى فى دماغهم ان الملتزمين ملايكة ومينبغيش بيتاثروا بحاجات زى باقى البشر
وثانيا لانه اتكلم بنفس طريقة كلامهم فى وصف امر كهذا فدى صدمة تانية
بس انا استغربت اوى لما لاقيت ان فيه بنت هى اللى بتدافع عن مقال استاذ مجدى بس لما قريت البوست بتاع حضرتك فهمت قصدك
سمية
الله يخليكي
.............
أستاذ امام الجيل
الحمد لله أن حضرتك فهمت قصدي
أنا لا أؤيد أو أرفض
كلام تمام
ويمكن احنا كمان عايزين نقول ان احنا عايزين تكون فكرتنا عن المدونات تتغير شوية
بمعنى اننا بنفتكر ان المدونة دى زى المجلة ندخل نقرأ الموضوع ... ونرد ونقول جميل الكلام
انما احنا محتاجين تكون المدونات لينا باب للمناقشة وتوسيع الافق ... وباب لإنطلاق حملات اصلاحية للمجتمع
تحياتى ليكى يا شروق
وحشتينى من زمااان مكلتمكيش على الميل
انا مررتلك تاج ابقى زورى مدونتى عشان تردى عليه
السلام عليكم ورحمة الله وبركاته
طبعا متفق مع كلام حضرتك جدااااااااا
وجزاكم الله خيرا
ومش هبرر ردي العنيف على مدونة الاستاذ مجدي ومعترف اني أخطأت
لكن كانت وجهة نظري الخاطئه ان الواحد لما يتكلم عن نفسه يكتب اللي هو عايزه لكن لما يتلكم باسم جماعه ويقول ويشهر انه اخوان مش بيراعي نفسه بس لا بيراعي ناس تانيه هي اللي في الصوره والجماعه مش بتحجر على الافكار لكن لازم يكون في ضوابط للحريه دي
واعتقد احنا اسهل ناس عندها مرجعيه وضوابط لانها جايه من القران والسنه
مش مراجع يساريه ولا اشتراكيه عملها افراد
واخيراانا مع كل اللي بيقول اننا لازم نتماشى مع واقع البلد لكن احنا اللي بنأثر مش بنتأثر بافكار تانيه زي ما قال الاستاذ سيد نزيلي عن الاخوان المسلمين الاشتراكيين اللي بيجيبو افكارهم وبيطبقوها في الجماعه مع اننا معانا اعز مصدر واغلى فكره وهى الاسلام
اللهم أرنا الحق حقا وارزقنا اتباعه وارنا الباطل باطلا زارزقنا اجتنابه
الفاضلة شروق
كم انا سعيد بتبنيك لوجهة النظر الداعمة لكفالة حرية الراي وعدم الهجوم علي صاحبه او اهانته حتي ولو اختلفنا معه او مع طرحه واعتقد ااننا اذا تحلينا بهذا الخلق في جماعتنا الحبيبة فستشهد الجماعة قفزة نوعية في ادائها وفاعليتها ومرة اخري جزاكي الله خيرا علي هذا الطرح الرائع وان كنت اعتقد انك مختلفة معي في اسلوب عرضي او بعض المفردات المستخدمة واحترم تماما هذا فيكي وفي اي احد اختلف او سيختلف معي
الاستاذ احمد ابو الدهب
احيي فيك شجاعتك الاادبية في الاعتراف بالخطأ وانا يا سيدي سوف اقلدك وساعترف بانني استخدمت بعض المفردات الغير لائقة واعتذر عنها هنا
ولكنني اود ان اشير الي امر قد تكررر منك وهي كلمة للاستاذ سيد نزيلي اطال الله عمره ان هناك اخوان مسلمين اشتراكيين او اي مسمي اخر
سيدي الفاضل الاستاذ سيد نزيلي ليس معصوم من الخطا فلذا فمن الممكن ان يكون بعض كلامه خطأ او ان تكون رؤيته ليست كاملة وهذا الامر يسري علي الجميع بدا من الاستاذ المرشد الي اصغر فر\د في الاخوان
هل الاستاذ سيد نزيلي تحقق وجلس واستمع لهؤلاء الافراد المتهمون في ولائهم الفكري او نقاء الفكرة وتجردها لديهم ارجوا ان تتحقق من هذا الامر وانا يا سيدي الفاضل احد الافراد الذين اشير اليهم بالاسم في تجمعات الاخوان ووصمت بهذه التهمة وصدقني لم اجلس مرة واحد مع الاستاذ سيد او غيره ليناقشني في طرحي او افكاري والمرة الوحيدة التي حدثت كانت مع احد قيادات العمل الطلابي في القطر ولم اسمع من الرجل اي كلمة تحمل هذا المعني بل شجعني علي مواصلة الكتابة وطلب مني ان امرر له التدوينات التي تحمل نقد ذاتي او رؤية مختلفة عن السائد ليدعمني بالراي والمشورة وهذا الامر افعله من قبل ان اقابله
سيدي الفاضل هل احتكاكنا بالاخرين يعني ذوبان شخصياتنا وفقدان هويتنا الاسلامية او الاخوانية اشك كثيرا فما دمنا محافظين علي الثوابت الخاصة بالاسلام والثوابت الفكرية الخاصة بالاخوان ونتكلم في الفروع وما يمكننا كبشر التعامل معه وتطويره فنحن في مامن ولكن المشكلة الكبري هي اعتقاد البعض او تصنيف البعض لبعض الامور انها من الثوابت وهي ليست كذلك
سيدي الفاضل نحن نحتك بالمجتمع لنؤثر ونتاثر والا فهذا ليس باحتكاك ولكن يجب ان نضبط حجم تاثرنا بحيث لا نفقد هويتنا ويجب ان نغوص في كل تفاصيل الحياة مع المجتمع ما دامت الشريعة والاعراف تسمح لنا
اسف للاطالة واسف لشروق علي تعليقي علي التعليقات بدون اذن
وجزاكي الله خيرا
ويللا مش مهم
جزاكم الله خيرا على ردودكم
.............
الحمد لله
أن الحوار راقي جداا
وفي احترام واضح للأراء
............
الحمد لله ان ده تم في مدونتي
:)
جزاكم الله خيرا يا استاذي مجدي
جزاكم الله خيرا يا أخت شروق
انا مش هرد على موضوع الاخ سيد نزيلي
وهرد رد شخصي انا مؤمن بيه اننا مؤسسه بشريه زينا زي كل البشر فينا عيوبهم وتفكيرهم وعواطفهم وأخطاؤهم وبرضه هنتحاسب زيهم لوحدنا وكل واحد باللي هو عمله مش اللي الجماعه عملته
ايا كان مكانه مرشد او جندي لا يرى مكانه ولا يسمع صوته
لكن اللي بيميزنا ان هى دعوة ربنا وهو اللي ممشيها - نحن ستر القدره وعلى الله الاجره-وكلنا شغالين عنده وكلنا مستنيين الاجر منه
وده اللي كان عليه الصحابه كل واحد منهم كان مدرسه خاصه لكن الاساس واحد
والهدف واحد وهو الوصل لربنا
اسال الله ان يكون عملنا كله خالصا وان يرينا الحق حقا ويرزقنا اتباعه ويرينا الباطل باطلا ويرزقنا اجتنابه
اللهم إنك تعلم أن هذه القلوب قد إجتمعت علي محبتك
و التقت علي طاعتك وتوحدت علي
دعوتك وتعاهدت على نصرة شريعتك. فوثق اللهم رابطتها و أدم ودها
و أهدها سبلها و أشرح صدورها بفيض الإيمان بك و بجميل التوكل عليك وأحيها اللهم بمعرفتك وأمتها على الشهادة في سبيلك إنك نعم المولى ونعم النصير
كلامك جميل والله وصحيح
وانا معاكى فى الكلام ده
وده بنعانى منه كتير فى كثير من المدونات
ربنا يكرمك يارب
يااااااااااا الله كل دى ردود فى مدونة مجدى سعد
انا مش عرفت أوصل لأخرها
بس حقيقى الموضوع عادى جدا مش فيه اى حاجة
ماعلينا
بس فعلا عندك حق ياشروق
البشر كده دائما بيهتموا بصغائر الأمور
زى مثلاً لما تحصل مشكلة
الكل يفضل يقول : طب ليه وعشان ايه
لكن يهدوا ويدوروا على حل المشكلة
ماتلاقيش
ربنا يرحمنا برحمته
ويللا مش مهم
إرسال تعليق