جالي التاج ده من أمام الجيل ... وأروى الطويل
صراحه هو تاج طويل وصعب ... رغم أ، عدد الأسئلة قليل ....
.........................
أنت مين...؟
صراحه هو سؤال صعب .....
اسمي: شروق الشواف ... خريجة كلية التربية قسم بيولوجي 2006 ...يعني مش من زمان قوي ...
عندي أحلام نفسي تتحقق ....بس خليها سر دلوقتي ...
.................
مين أكثر ست شخصيات بتحبهم ....؟
من أصحابي :
1- سمية العريان
2- أسماء العريان [ وفقت بعد محاولات اخيرا أني أصاحبها وأحبها ...]
3- سماح إبراهيم .... غادة وعزة
من الشخصيات العامه
4- أستاذ إسماعيل هنية
5-أستاذ خالد مشعل
6-دكتور حبيب
.........................
أنت سعيد ...؟
سؤال صعب ....لأن الانسان متقلب .... لكن إلى حدما ممكن أقول سعيده ...
بس الأكثر لأ .... معرفش ليه ....بس من زمان مكنتش كده ....أزمن بقه
.....................
لو أجتمعت أنت وحسنى مبارك فى غرفة واحدة هتقوله ايه؟
لو اجتمعنا هقوله ...
ربنا معاك
لأني مش عارفه هتتحاسب على ايه ولا آيه ..؟!!
على الناس اللي بتنام جعانه
ولا المعتقلين
ولا القتلى
ولا التزوير
والتشريد ...
ربنا معاك
.......................
لو معاك مليون ونص هتعمل بيهم ايه؟
طيب مينفعش يكونوا اكثر شوية ....
مليون هبعته لأبو العبد [ الأستاذ إسماعيل هنية ] ....بس هشترط عليه شرط .... أني أنا اللي ادهمله بنفسي
النص مليون الثانيه .....
هدفعها في الكورسات والدبلومة ... عشان صراحه أنا مكسوفه من بابا
والباقي هديه لبابا ....
.........................
بتحب مصر ...؟
أكيد ..مهي بلدنا ولازم نصبر ....
بس الأول لم كنت عايشة في السعودية كنت بكرها جدااا ....
بس لما عشت فيها فترة حبتها ....
........................
بتحب البنات ...؟
أكيد
لأنهم فعلا رائعيين
وبيصبروا كثيير
وبيستحملوا كثييييير
وبيسكتوا أكثر على ....
لأنهم الأفضل
........................
أنت مسلم ...؟
الحمد لله
....................
ليه ...؟
لأنه الأفضل
......................
أيه اكتر موقف محرج أتعرضت ليه؟
الحمد لله مش بتعرض لمواقف محرجه كثييير
لكن كان أخرها قريب
لم رحت أول مره في حياتي [ حلقة السمك]أنا ووالدتي ....كنت قرفانه جداا....
أنا اصلا مبحبش السمك ولا رائحته ....فمابلكم لم أروح اشتريه ....
المهم كنت ماشيه في سوق السمك ودنيا زحمة ...والرجاله رايحه جايه بالسمك ....
اللي بينظفه ...للي بيشتري ...وللي بيشوي ...والناس كلها مشغوله ....
وأنا ماشيه بتفادى أن السمك يجي عليه ... خبط فيه راجل كان بينظف السمك وفي ايديه صينية عليها بقايا سمك ....طبعا كان موقف مستفز جدااا....الحمد لله الإشارب بس هو اللي اتبهدل ....العباية خرجت سليمة
.........................
اتصرفت إزاي ...؟
ابدا ...اتفزعت وبصيت على الاشرب ...فالراجل أعتذر ....فقلت
لا أبدا مفيش مشكله ...ومشيت ....
..................
أيه الامنية اللى بتدعى ربنا انه يحققها ليك؟
اها .....أني أخلص دبلومة السياسة والاقتصاد ....
واخلص كرس الانجليزي ....
...........................
أمرره لي ...
همسة قلم
مين في الحياة مرتاح
ومضات
هوامش
هناك ١٩ تعليقًا:
تاج جميل
و أجوبة أجمل
اتمنى لك التوفيق في آمالك و مستقبلك يا أخت شروق
على فكرة المدونة بدأت و الحمد لله
تشرفني زيارتك لها
http://baddan-fee-malta.blogspot.com
بادّن في مالطة
و جزاكم الله خيراً
تاج جميل واجابه رائعه
ربنا يكرمك يارب
بس برضه فى حد مايحبش السمك برضه
دا السمك
هو حد لاقيه
بس هاقولك
اللى ايده فى الفول مش زى اللى ايده فى السمك
يعنى لو حضرتك مغتربه زينا وبتاكلى فول مش ثلاث مرات فى اليوم لالالالا
بناكله سبع او تمانى مرات فى اليوم
غصب عننا
بالزوق او بالعافيه هناكله يعنى هناكله
اجابتك على الريس مش حلوه
دا الريس
حد يقابله وميتمناش حاجه برضه
على الاقل اطلبى منه ارنب تحققى بيه احلامك
ولا حتى تتصورى معاه
ولا ايه رايك انت؟
انت لقيتى وظيفه ولا لسه؟
مش عارف البنات بتحشر نفسها فى الشغل والشباب بيعطل
ارحمونا بقى
شرفينى بالزياره على مدونتى
السلام عليكم
مكنتيش كرهتى السمك
ما شاء الله
اجاباتك جميلة جدا و هادية
و يارب انا كمان متعرضش لمواقف محرجة
اصلها بتحصل لي كل يووووووم
بقى ياشروق مش هتدينى الا الباقى من النصف مليون عموما احسن من مفيش....بابا
تاج جميل
وأسئلة جديدة
والإجابات برضه جميلة:)
دكتور كووول
مبروووك المدونة الجديده ...وبالتوفيق
أستاذ أبو زياد الفاتح
الفووول ارحم من السمك
أستاذ علاء
ربنا معاك ....
بابا ..
لو حسبتها هتعرف أني اديتك النص مليون كامل ...
عارف ليه ..؟
لأني مش هخاذ منك فلوس الدورات والدبلومة ....وبالتالي وفرت عليك...عرفت بقه أنا اديتك النص كامل ازاي
أستاذ بهاء ...
أسعدني مروركم الكريم
3- سماح إبراهيم .... غادة وعزة
دي رياضة جديدة خالص
اولا شكرا على الرد على التاج جزيتى خيرا
بس مش عارف ايه حكاية الافضل دى مش مهم بس عجيبة البنات الافضل واختارتى الاسلام لانه الافضل اممممممممم يا ترى الشباب ايه حالهم من الاسلام طيب مش مشكلة شكرا جدا
أستاذ بلال
أصل السؤال طالب ست شخصيات ... فأنا حبيت يعني امشي على المظبوط
أستاذ إمام الجيل
سعيده بالتاج
بس البنات أفضل فعلا ... لو بس شغت هم بيعدوا وبيسكتوا وبيعدوا قد ايه ...هتقول بكل جداره أنهم الأفضل
:)
وطبعا دي حاجه مش محتاجه توضيح
انا تقريبا اسمى جه غلط فى البوست ده
يابنتى انا الى كنت بحاول اصاحبك .. طيب وليه
بلاش الله يكرمك يا شروق المقلب الى انتى واخداه ده لا ما تظهريش من الارض تانى كفايه اللى انتى فيه :D
يا بنتى انتى يزيدك تشريف وانى اصلا بكلمك :P
ان شاء الله تخلصي الدبلومه والكورس علي خير
هتقولى لحسنى ربنا معاك ..!؟
فكرتينى بأغنية الله معاك ومعاك قلوبنا ونروح فداك ما انته حبيبنا ..
بس الإجابات جميلة ..
وربنا يرزقنى انا كمان نص مليون اخد بيهم دورات ودبلومات ..
وتخلصى دبلومة الاقتصاد والسياسة على خير
أسماء
اسمك ليه جيه غلط ... مش عوزانا نوافق ندخلك في جروبي انا وسميه ...يعني بعد ما نتنازل ونوافق ترفضي أنتي ... ربنا يرحم أيام ...
عموما ياحبيبتي ده يشرفني .. وربنا يخليني ليكي
..............
أستاذ محمد
جزاك اله خيرا على مروركم الكريم ودعواتكم
............
أستاذ ياسر سليم
لالا هو اقصى حاجه .... ربنا معاك
لكن معاك قلولبنا وفداك دي وسعت قوي
جزاك الله خيرا على مروركم الكريم ودعواتكم
اجابات جميلة ياشروق ..
ربنا يعزك ويكرمك وتخلصي الكورس بالسلامة هو والدبلومة :)
والتاج هتلاقيه متجاوب على المدونة كان متمرر من الاخ امام الجيل :)
ربنا يعزك ويكرمك ويجمعنا على خير يارب
اجابات جميلة ياشروق
التاج ده هجاوب عليه قريب ان شاء الله
---------
انا يا بنتى اللى عاوزة اقابلك قريب
الاول عاوزة اشوفكم عشان وحشتونى
وفى مليون حاجة محيراااانى ونفسى نتلكم فيها قبل متلاقوا خبر حجز جناح ضخم وفخم ليه فى مستشفى المجانين..
الامتحانات بس تخلص ان شاء الله
----------
وصلى سلامى للى بيوصلك سلامى
ماشى
اجوبة جميلة
بس معلش ليا تعليق
مسلمة اه الحمد لله........ليه لانة الصحيح
افضل صيغة مقارنة.......واعتقد انك تفهمين ما اقصد
وتحياتي وسلام الله عليك
مصراوي اوي
جزاك الله خيرا على مروركم
وتوضيحكم
وجاري تعديله
على فكرة المدونة حلوة جدا
والنشيد اكثر من رائع
ربنا يوفقك
السلام عليكم ورحمة الله وبركاته
ازيك ياشروق أناشوفت المدونة من فترة بس أول لما عرفت أنها بتاعتك قلت لازم
أجى وأباركلك
ربنا يجعلها فى ميزان حسناتك
ويكرمك ويعزك ويعفو عنك
إرسال تعليق