الأربعاء، ١١ رجب ١٤٢٨ هـ

مدونتش ليه إلى الآن






السلام عليكم



بداية انا بعتذر عن تأخري في التدوين



رغم أن عندي كلام كثيييييير عوزه


اقوووله



بس عندي تشتت ذهني متعب صراحه


بسبب حجااااات كثيييير


................................


الحاجة الأولى


فراق نسيبة أختي وجوزها ...


يعني انا وهي طوووول عمرنا نسافر مع بعض وناام في نفس الغرفة


عمرنا مفترقنا إلا نااااااااادرا جدااا


عكس بقيت اخواتي


طبعا من ساعة ماهي تزوجت


فضلت تقريبا ثلاث أياااام مش عارفه أناااام كل شوية اقلق من النوووم وأقووول دلوقتي نسيبة تيجي تناااااام


دلوقتي تيجي تغلس عليه .....


لكن صبرا جميل ...


وربنا يسمحه بقه


ويهدي سرهم


:)


...............................


الحاجه الثانية



أن نظرا لظروف انشغالنا بزواج نسيبة


وماترتب عليه بعد كده


من دلع العرسان


نعملهم الغذاء كل يوم ونودهلهم


فكنت مشغوله قبل وبعد الفرح


اعملي ياشروق الغذاء [ صراحه ماما كانت بتساعدني ]....بس خلتني ألف حلتين محشي الله يسامحهم


[ المحشي ده المفروض يمنعه من البيوت تعذيب للبنات فعلا]


وبعدين انزل اودي الغذاء ليهم


واغسل المواعين اللي عندها في بيتها


عشان طبعا العروسه مبتغسلش مواعين


بس برده كان ممتع أن أشوف اختي فرحانه


...................................


الحاجه الثالثة


طبعا نظرا لانشغالي بالزواج ....


كنت معتزرة عن كذا مشوار وواجبات عليه ...فطبعا تكدست الأعمال عليه ...مع ظهور كام مشوار جديد كده ...ووجود بابا في مصر [ ماما بتقلقل من خروجتنا احتفالا بمجي بابا ]


فطبعا انشغلت جدااا


.............................

الحاجه الرابعة
اننا بدءنا للعزال لكتوبر
فطبعا بنفضي الحاجه وبنتابع الناس اللي بتشطب في أكتوبر
طبعا ده موااااااااااال مش محتاج حكي
....................................


الحاجه الخامسه والاخيره


أن كنت مريضة اليومين اللي فاتوا ....


وطبعا بابا [ بما أنه دكتور ] كان لازم يأخذني على الجمعية الطبية
وطبعا كان عندي أنيميا حاده

وطبعا ده ليه مترتبات لا تحمد عقباها من بابا

..............................

أن شاء الله هبدء تدوين ثاني

هناك ٨ تعليقات:

اسماء العريــان يقول...

الف سلامه عليكى يا شوشو .. واحلى حاجه انى محسيتش بفراق سميه اختى خالص

ابوزياد الفاتح يقول...

اولا الف الف مليون مبروك على زواج اختك
وعقبالك ان شاء الله
عايزين نشرب شربات الفرح بقى
ولا هاتروح علينا
ثانيا
الف الف لا بأبس عليكى
الف مليون سلامه والله
ربنا سفيكى ويعافيكى ان شاء الله
وربنا يعينك يارب
لو احتجتى اى مساعده احنا مستعدين برضه
والفراق يا ستى
دا امر لابد منه
هايجى يوم برضه وتفارقى انت برضه ولا مش عايزه؟
ربمنا يعغينك
ومنتظرين موضوعاتك الجميله
السلام عليكم

محمد عـنـانـى يقول...

الف لا بائس عليى
والف مبروك لا اخت
ويارب تدونى بقا
ههههههه
تحياتى
والف سلامه عليكي

شروق الشواف يقول...

أسمااء

انتي بتغظيني ولا حاجه ..؟!!!


...............

أستاذ أبو زياد

الله يبارك فيك وعقبال عندكم إلم تكونوا متزوجين

من ناحية شربات الفرح فهو راح عليكم فعلا


الله يسلمك

هو الفراق امر صعب اكيد ... ربنا يعين الجميع

ههههه

..................


أستاذ محمد

الله يسلمك

وعقبال عندكم إلم تكونوا متزوجين

أن شاء الله بدون قريب

يلا مش مهم يقول...

انا بقالي فترة بخش والاقي الدنيا ما بتتغيرش خالص
الفار لعب في عبي
اصل انا عارف البنات وحركاتهم ساعات يقوموا من النوم يلخدوا قرار بانهاء حياتهم فما بالك بقرار اسهل كالتوقف عن التدوين
بس قلت في عقل بالي لا شروق اكبر من كدة بكتير وبعدين يا خبر النهاردة بفلوس بكرة يبقي ببلاش
لغاية لما دخلت النهاردة ولاقيت بوست جديد بيشرح اسباب الغياب
فقلت يا الف نهار ابيض يا الف نهار مبروك
ايوة كدة رجعي الثقة المفقودة في بنات جنسك وايه المشكلة يعني في حلتين محشي وشوية مواعين بكرة تلاقي اللي يلفلك محشي ويغسلك المواعين والجايات اكتر من الرايحات
علي العموم حمدالله علي اسلامة وربنا يتقبل وربنا يشفيكي وربنا علي الظالم
ممكن سؤال
انا سمعت ان في قرار شعبي بناتي بمقاطعة يللا مش مهم بعد الانهيار الاخلاقي الذي اصاب صاحبها وبالتالي اصابها هي الاخري هوالقرار ده بجد ولا انا بيتهيالي
ربنا يستر
ويللا المسامح كريم
او يللا مش مهم

شروق الشواف يقول...

الأستاذ مجدي ...

أولا ... أهلا بيك في المدونة

يعني حضرتك ثاني مرة ترد عندي ... المرة الأولى في أول موضوع لي كان عن الاتحاد الحر ... وحضرتك قت ساعتها انك مرهق ...فهتنام وترجع ثاني

:)

ثانيا : يعني انا اول مره اعرف ان البنات بيناموا وبيصحوا ياخذوا قررات مصيرية ... بس ممكن يكون هناك اشياء من وراء الكواليس بتحدث بيصدر بعدها القرار المصيري...بس الحمد لله انيطلعت عقله ..

:)

ثالثا : مهو عشان حلتين محشي بس ... أنا نفسي أشوف الاولاد يلفوا حله واحده بس ... بس بلاش حد يقول دور المراه والرجل والكلام الكبير ده ... انا بس بقول نفسي

:)

رابعا : أنا أقول مره اسمع خبر مقاطعة مدونتكم ... هو خبر غير صحيح بالمرة ...ولا يمكن أن يصدر عن عاقل ... فمهما اختلفنا يظل من المهم قراءة وجهة النظر الأخرى ... فقرني كلامكمبخبر مقاطعة جريدة المصري اليوم حزنت كثيرا بمثل هذا الخبر ...ذلك ان المتابع الجيد للاخبار يجب أن يقرأ ويسمع جميع الأخبار ليعرف مايدور حوله أو عنه

..............

أنا آسفه أني طولت على حضرتك

بس شرف أن حضرتك تردعندي ..بعد أن فقدت الامل ..ولكني قرأت تدوينة لكم تعتذرون عن التعليق بمدونات الاخرين ...فلتمست لكم العذر

جزاكم الله خيرا

غير معرف يقول...


الحمد لله الذي بنعمته تتم الصالحات وعمر ما الدم يبقى مية
ولا الضفر بيطلع من اللحم
عشان كدة أنا جيت أهنيكي وأهني نسيبة الغالية بزواجها
وعقبالك يا شروق
مش هطول عليكي لانك عرفتيني

شروق الشواف يقول...

أهلا وسهلا [بالمجهول ]

الله يهنيكم

بس انا معرفتش مين حضرتك فعلا ..؟

وان كنت اتمنى معرفتكم ..؟

في انتظاركم

نورت المدونة