خواطر في يوم العيد

خواطر في يوم العيد

· يقولون أن العيد يتمثل في صلاة العيد... هي أجمل لحظات العيد... هي من تشعرنا بجمال العيد... اللمة وتجمع الإخوان بسمتهم الواضح في الصلاة وتوزيع هدية العيد على الأطفال... أول عيد أصليه في أكتوبر... (ومن غير زعل أهل أكتوبر) لا طعم له أبدا... لا حياة فيه ولا روح... الصلاة من غير إخوان العمرانية ولا حاجه... يعني هم اللي حسيت معاهم بصلاة العيد... بعد ما كنا بنصليها في ساحة الحرم المدني وبعدين نخرج مع الناس نفطر مع بعض... كانت أيام جميلة لم يعوضها إلا أيام إخوان العمرانية ولمتهم الجميلة الصبح واحنا بنعيد على بعض... إن شاء الله يبقى أخر عيد أصليه في أكتوبر ورجع لمنطقتي الحبيبة من ثاني.

· العيد من غير لمة خلاني وزوجاتهم وأولادهم ولا حاجة... متعودين كل سنة نفطر مع بعض بعد الصلاة عندنا... لكن السنة دي كل واحد انشغل بحاجة ومحدش جيه... خالي هشام أول سنة ميفطرش معانا نظرا لسفره... أعاده الله لنا... بحبك جدااا...

· فطرت النهاردة مع رائدة جارتنا... شربنا كبيتين نسكافيه مع بعض ولا أحلى... أكلمنا مع بعض وحكينا... وطبعا ده هيغيظ الأعداء أقصد الأصدقاء... بس ولا يهمنا يا رائدة... ياريت نكررها كل فترة كده...

· رابع خاطره مختلفه عن الخواطر الماضية ملهاش علاقة بالعيد لكن انتبهت ليها في العيد... أن احنا بقه مفهومنا عن الزواج سطحي للغاية... المهم عندنا نجوز اثنين وخلاص... مش مهم هم مناسبين لبعض ولا لأ؟! تفكرهم مناسب لبعض ولا لأ؟!... كل اللي بتمناه في النقطه دي أننا ننضج في تفكيرنا لأن دي حياه مبنيه عليها حياة ناس ثانيه معانا...

· دعوت الله كثيرًا أن يحقق لي 4 أماني على المستواي الشخصي طوال شهر رمضان... وأنا واثقة تمامًا أن الله سيحققهم لي... وعندما يتحققون سأخبركم بهم.

تقبل الله طعاتكم.... ورزقكم الدوام عليها بعد رمضان...

وحقق الله أمانيكم...