فوجئت بكم من الاتصالات من صديقات وزميلات لي ...خلال اليومين الماضيين ...لم اكن
في يوم اتوقع ان يتصل بعضهم بي والبعض الاخر ان قطعت العلاقات معهم لسبب او اخر .......
سعدت جدا باتصالهم جميعا ...عندما ارد على الهاتف واسمع صوت فلانه ...كنت في قمة السعاده ...
ولكن .......
فوجئت أن كل هذه الاتصالات ليس لشئ غير الاسباب التاليه
أنا كنت محتاجه الأم بي 3 بتاعك
أنا كنت محتاجه اللاب توب بتاعك
أنا كنت محتاجه الكاميرا الديجيتل
أنا كنت عوزاكي تعملي لي .... .....
...و.....و...و
وحقيقة ليست المشكلة في استعارة اشياءي فالجميع يعلم ان من يطلب أي من هذه الاشياء فأنا أعطيها لهم والجميع يعلم أيضا أني لا امانع ان اساعد احد في اي شئ
لكن ......
إذا لم تكن شروق تمتلك الأم بي 3 أو الاب توب ...أو الكاميرا ..وإذا لم يكن بمقدورها أن تفعل هذا الشئ
فلن اسمع أصواتكم ....هل هذا كل مايربطنا بأصدقاءنـــا ؟!!
شئ مؤلم جدا أن نشعر بأن لا قيمة لنا بوسط اصدقاءنـــا إلا بما نملكه
والأصعب أن يتم الطلب بشكل غير لائق
رديت على الهاتف
فإذا بأحدى صديقاتي
تطلب مني المجئ إلى مكان مـــا للضرورة القصوى
مع احضاري للاب توب معي ..واكدت أكثر من مرة على أن احضره معي ...
سألتها ...عوزاني اروح المكان ده ليه ...خير في حاجه ..؟!!
فكان ردهــا...لا أنا في حاجه إلى جهازك ...؟!!!
...........................
.
من المؤسف أن يكون هذا كل ما يكون بيننا
هناك ١٧ تعليقًا:
اعتقد ان ده مرتبط بنوع العلاقة.......احيانا بنستغل ما عندنا لجذب قلوب الاخرين كمرحلة للتعارف والتالف والحب.........وفي ناس بنكتشف انهم فغلا استغلاليين......وفي ناس بنحبهم اكتر من نفسنا وبنتمني لهم اي خدمة........اللي طلبت الطلب بالشكل ده متستاهلش بصراحة دا رايي
تحياتي مصراوي اوي
السلام عليكم يا شروق
أنا بس و الله قلت أعدى عليكى النهاردة فى البلوج علشان أقولك و حشتينى و الله ووحشتنى أيام الدورة زمان ، كمان كل سنة و انتى طيبة
بس دا اللى أنا كنت عايز أقولو موش عايز منك لا اللاب توب و لا الام بى و لا أى حاجة ، بس أتمنى من ربنا أنك تكونى كويسة و بخير إن شاء الله ، خصوصا بعد أزمة التعديلات
بيتهيألى ياشروق
ده حسب نوع العلاقة من الاول
فعلا اكتر حاجة شفتها بتأثر فى الناس انى اتصل بأخت لى
ومن كتر مهم اتعودوا ان الاتصال عشان حاجة مهمة او .... اى حاجة
اقولها انا بتصل بيكى عشان بس وحشتينى وانا فعلا بحبك جدا فى الله
والله الاتصال ده فعلا بيأثر جدا جدا جدا
جزاكم الله خيرا على ردودكم
..
أستاذ أحمد زكي
شرفني مروركم ..وحتلى لو طلبت الاب توب طبعا معنديش مانع
....
كلامي لا يعني مطلقا أني لا افضل أن اسلف اشيائي لاحد ...[العكس ببقه سعيده ونا بديه لحد...لكن انا بكلم ان يكون ده كل علاقتنا
معاكي حق يافاطمة
الحب فى الله له جناحين لابد من توافرهم حتى ينموا ونجتمع سويا على منابر من نور يوم القيامه...جناح المشاعر القلبيه الصادقه والشوق والحنين.... الجناح الاخر..التعبير عن الحب وذلك امر رسول الله صلى الله عليه وسلم الصحابى ان يخبر اخاه بأنه يحبه ..البسمه الرسالة الهديه الاتصال .. كل ذلك لابد منه... بابا
أعتقد أنك إن لم تجدي هذه العلاقة
فعليكي بخلقها
وكوني أنتي البادئة
أحيانا مع ضغط الحياة ينسى الفرد أشياء كثيرة منها العلاقات بل يصل الأمر إلى نسيان صلة الأرحام
وعندما يلفت إنتباه هذا الفرد فإنه يكون في قمة السعادة ولن ينساها لكي
ولا تبدأي بالعتاب
اعانك الله على طاعته
وجزاكم الله خيرا
أخوك
ايه ده ياشروق
أنتي بتدوني ؟
أنا من تاني تدوينه ليكي وانا معرفش عن المدونة حاجه
انا اسف جدا عالتقصير ده
وتتعوض
عالعموم انا قرات كل الي فات وجميل جدا
وعلي فكرة كنت عايز موبيلك سلف يومين ممكن ولا لا ؟
علي فكرة انا حطيتك في المجمع التدويني عندي في المدونة
ده بعد اذنك
وياريت الخط مع الموبيل كمان
انا برضو بعانى من نفس المشكلة بس هى دى الطبيعة البشرية بقى حتعملى اية
كان نفسى يكون ليا واحدة صاحبتى تحبنى بجد وتخاف عليا زى ما اخاف عليها
اتمنى ان نصبح اصدقاء يا شروق على فكرة انتى تعرفينى
مع تحياتى ST
طريقتك فى التعبير جميلة اتمنى لكى التقدم دائما اتمنى ان نصبح اصدقاء
مع تحياتى ST
ST
شرفني مرورك
وأعتقد أن اعطاء الاخريناشياءنا له معنى جميل
ولكن اقصار علاقتنا بالاخرين في هذا الجانب هو مايسبب المشكله
.............
اتمنى أن أكون صديقتك...
ولكنك قلتي انني اعرفك .؟!! فارجو ان توضحي لي ..؟؟
فانتظارك.!!
شروق
انتى فهمتينى غلط انا مابعترضش على انى ادى حاجاتى لصحابى عادى ماهى مادام صحبتى يعنى اختى يعنى انا يعنى حاجاتى حاجاتها
st
ساره ....
أهلا وسهلا
نورتيني
......
ياريت تضيفيني على ميلك
ياريت لو تدينى الايميل انا مااعرفوش
شروق
أكيد دي حاجة مؤلمة انا عارفة
انا كنت كتبت شعر زمان عن حاجة زي دي ... مش فاكراه دلوقتي كله ممكن ابقى اجيبه بعدين
بس بعد ما كتبته فكرت في حاجة
يعني ممكن اكون انا واخدة الموضوع على نفسي قوي
ممكن يكون ده نوع من انواع العشم يعني
يعني هية احتاجت حاجة و حست غن شروق مش حاتكسفها
فمن عشمها قالت تطلب منك انتي ...
صحيح شيئ سخيف غن مايبقاش فيه اتصال غير على حاجة زي دي ...
بس ساعات الواحد لما بيتزنق في حاجة بيتضطر يعمل حاجات سخيفة
و لا انتي رأيك ايه ؟؟
أنا قصدي بس
التمسي 70 عذر ....
عيله ومش عوزه افهم
معاك حق جدااااا في كل الي قلتيه
بس هو انا ساعة ما كتبت الكلمات دي ... كنت قد تلقيت كم من التليفونات غير العادي ...ومازلت اتلقاها ..ولكني كنت نفسيا غير مؤهله لتقبل كل هذه التليفونات من اخوات لم يكن حتى لاخطر على بالهم ... ولكن حقيقة بعيدا عن ذلك كله ..كان شئ ما يسعدني .. حيث اكون انا من تتصل بهم عندما يقعون بضيقه
.......
سعيده بمرورك
واتمنى ان اتعرف عليكي .. وان كنت اعتقد اني اعرفك
إرسال تعليق